Exodo 24:12-14

Magandang Balita Biblia (with Deuterocanon)

Si Moises sa Bundok ng Sinai

¹² Sinabi ni Yahweh kay Moises, “Umakyat ka rito. Maghintay ka at ibibigay ko sa iyo ang mga tapyas ng batong kinasusulatan ng mga kautusan at ng mga tagubilin. Sinulat ko ito upang maging tuntuning ituturo mo sa mga tao.” ¹³ Umakyat nga si Moises, kasama ang lingkod niyang si Josue. ¹⁴ Bago siya lumakad, sinabi niya sa mga pinuno ng Israel, “Hintayin ninyo kami rito. Kasama ninyong maiiwan sina Aaron at Hur; sila ang inyong lapitan sakaling magkaroon ng anumang usapin sa inyo.”